異夢迴廊．狂想曲

今朝收到一個來自識左十幾年既W組好友既怪SMS...
內容大致上係叫我買方向日報然後睇一下某版既啟事...話佢有d說話對女朋友講...
睇到哩度已經心知不妙...登埋報紙仲唔係大檸樂咩

平時完全唔會買報紙既我返到公司樓下即刻買份方向日報，仲差d呃左個阿嬋 1 蚊
...冇買開報紙唔知價丫嘛，原來而家d報紙要 6 蚊咁Q貴
返到公司即刻打開份報紙一睇...同我諗既係一樣，係個Friend向佢女朋友既求婚啟事

　給黃韻磬之溫馨專欄

　　韻磬韻磬我愛您
　　無時無刻想著您
　　我願天天照顧您
　　日日夜夜錫曬您
　　時時刻刻見到您
　　一早起身攬住您
　　臨瞓之前冚好被
　　只要你肯嫁比比　(真的是比比 XD 不知道是出錯了還是甚麼 XD)

其實佢地兩個會結婚係遲早既事，圈子入面既Friend都預左
只係冇諗過會咁快...而且事前毫冇暗示...實在太突然了
驚愕之後當然要打個電話恭喜下人啦~ 雖然最後係電話冇人聽, 只係send左SMS...
返正遲下都會出黎飲野再講

呀...其實身邊d人都已經差唔多係適婚年齡，再過多幾年應該都有唔少婚宴要去
只係冇諗過會係哩一、兩年內既事，而且估唔到會係哩個Friend先，佢話晒都只係廿四、五歲...
真係冇諗過咁快就要俾第一次人情 XD 而且第一次參加婚宴就要做兄弟...
酬備得黎我諗最快都應該會係年尾或者出年既事，人情方面以我地既關係我諗一千都應該唔走得...睇下到時有幾多錢啦哈
最大鑊係做兄弟果下...以我地哩一Group人黎講，我諗果晚都應該會喪飲...直到神志不清...不醒人事...
之後果日應該會全日行動不能...哈哈，應該起碼都要請定兩日假...

粉紅炸彈就未收到...話晒剛剛先求婚，女方應承左未都未知 (不過以佢地既關係，都90%肯定架啦...)
係時候要造定做兄弟既禮服...究竟造咩款好呢...又唔可以太誇太靚lace恤衫燕尾服咁搶晒風頭
但又唔想太普通咁...話唔定到時會有d靚女姊妹同賓客架嘛...XD
anyway...哩個婚宴一定會令身心同銀包都重傷...哈